Հաճախորդների Փորձառության Հայաստանի Ասոցիացիայի Կանոնադրություն
Սույն փաստաթուղթը սահմանում է Ասոցիացիայի գործունեության հիմնական սկզբունքները և անդամների վարքականոնը՝ ուղղված մասնագիտական և էթիկական միջավայրի ձևավորմանը։ Փաստաթղթի նպատակն է նպաստել Հայաստանի Հաճախորդների Փորձառության Ասոցիացիայի գործունեության զարգացմանը և խթանել անդամների միջև կառուցողական համագործակցությունը։
1. Նպատակ
CX Ասոցիացիայի նպատակն է բարձրացնել հաճախորդների փորձառության (Customer Experience – CX) որակը Հայաստանում՝ խթանելով մասնագիտական զարգացումը, լավագույն փորձի փոխանակումը և բարձրակարգ հաճախորդակենտրոն մշակույթի ձևավորումը։
2. Անդամակցության պայմաններ
Ասոցիացիայի անդամ կարող են դառնալ ֆիզիկական և իրավաբանական անձինք, որոնք պատրաստ են նպաստել հաճախորդների փորձի զարգացմանը և մասնակցել Ասոցիացիայի միջոցառումներին ու նախաձեռնություններին։
3. Անդամակցության տեսակներ
Անհատական անդամակցություն (2 մակարդակ՝ Enthusiast, Expert)
Իրավաբանական անձանց անդամակցություն (Basic, Special, Premium, Corporate մակարդակներ)
Անդամակցության պայմանների մանրամասները կհրապարակվեն ավելի ուշ։
4. Անդամակցության կարգ
Անդամակցությունը ձևակերպվում է դիմումի լրացման և Ասոցիացիայի Կառավարման խորհրդի հաստատման հիման վրա։
5. Կառավարում
Ասոցիացիան կառավարվում է Կառավարման խորհրդի կողմից, որը պատասխանատու է ռազմավարության մշակման, միջոցառումների կազմակերպման և անդամների միջև համագործակցության ու կապերի զարգացման համար։
6. Գործունեություն
Ասոցիացիան՝
կազմակերպում է կրթական դասընթացներ և վերապատրաստումներ, սեմինարներ և տարեկան մրցանակաբաշխություն,
հրապարակում է հետազոտություններ և լավագույն փորձի ուղեցույցներ,
ստեղծում է հարթակներ մասնագիտական կապերի և համագործակցության համար։
7. Ֆինանսավորում
Ասոցիացիայի ֆինանսավորումն ապահովվում է անդամավճարների և հովանավորչական միջոցների հաշվին։
8. Անձնական տվյալների պաշտպանություն
Ասոցիացիան պարտավորվում է ապահովել անդամների անձնական տվյալների գաղտնիությունը՝ գործող օրենսդրությանը համապատասխան։
1. Մասնագիտական վարքագիծ
Անդամները պարտավոր են ցուցաբերել բարձր մասնագիտական մակարդակ իրենց գործունեության ընթացքում՝ պահպանելով ազնվություն, պատասխանատվություն և հարգալից վերաբերմունք գործընկերների և հաճախորդների նկատմամբ։
2. Հարգանք և համագործակցություն
Անդամները պետք է հարգեն միմյանց տեսակետները և նպաստեն առողջ ու կառուցողական համագործակցությանը՝ աջակցելով Հայաստանում հաճախորդների փորձի զարգացմանը։
3. Տեղեկատվության գաղտնիություն
Ասոցիացիայի շրջանակում ստացված ցանկացած տեղեկատվություն ենթակա է գաղտնի պահպանման և չի կարող հրապարակվել առանց համապատասխան թույլտվության։
4. Շարունակական զարգացում
Անդամները պետք է շարունակաբար զարգացնեն իրենց մասնագիտական հմտություններն ու կարողությունները՝ նպաստելով CX ոլորտի առաջընթացին։
Սույն փաստաթուղթը սահմանում է Ասոցիացիայի գործունեության հիմնական սկզբունքներն ու անդամների վարքականոնը՝ միտված մասնագիտական և էթիկական միջավայրի ձևավորմանը, Ասոցիացիայի գործունեության արդյունավետության բարձրացմանը և անդամների միջև փոխվստահության ու համագործակցության ամրապնդմանը։
